Kryeministri Edi Rama njoftoi se ka pasur një telefonatë me kryeministrin e Britanisë së Madhe, Rishi Sunak lidhur me situatën e emigrantëve shqiptarë që kalojnë kanalin.
Sipas Ramës, homologu i tij britanik i ka shprehur keqardhjen e tij lidhur me akuzat që kanë dalë nga politikanë britanikë kundër shqiptarëve, teksa tha se mund të vijë për vizitë në Tiranë.
“Kam pasur një bisedë jo të shkurtër me Kryeministrin e Britanisë së Madhe. Më shprehur keqardhjen për atë që ka ndodhur për deklaratat e pa menduar dhe të lëshuar në raport me Shqiptarët. Kemi diskutuar për këtë çështje dhe jo vetëm për këtë. Nuk kemi folur për asgjë të re. Për të bashkuar forcat, kam përsëritur të gjitha këto që kam thënë. Shpresoj që do kemi një këmbim vizitash. Nuk ka ndodhur që të ketë një vizitë bilaterale. Ka ardhur Blair, por për çështje të tjera”, tha Rama.
Lexo edhe: Berisha nuk tërhiqet nga protesta më 6 dhjetor: Mjerë Rama e Çuçi
