Pas temperaturave të larta, këtë fundjavë priten ndryshime të kushteve atmosferike.
Nga dita e shtunë, gradualisht do të kemi tërheqjen e masave ajrore të nxehta, ndërsa të dielën nga Ballkani veriror do të afrohet një front i ftohtë.
Në bregdet, në jug të vendit, do ketë reshje shiu dhe rrebeshe të forta. Temperaturat do të pësojnë rënie të ndjeshme në të gjithë vendin, duke u luhatur nga 22 gradë Celsius në zonat malore deri në 32 grade në zonat e ulëta dhe bregdet.
Por në mesjavën tjetër pritet të afrohen sërish erërat e nxehta sahariane, me temperaturat që do të pësojnë rritje.
