Për shkak të motit të keq janë dëmtuar më së shumti linjat ajrore të furnizimit me energji elektrike.
Ministria e Infrastrukturës dhe Energjisë bën me dije se gjatë ditës së djeshme janë dëmtuar 54 fidra që furnizojnë rreth 57 279 abonentë, por brenda 2-3 orësh, siç thuhet në deklaratë, u bë e mundur riparimi i 39 prej këtyre fiderave.
Në zonën e Himarës në orën 21:45 për shkak të defektit në një kabinë private, shkaktoi stakimin e Fierit 1 në këtë bashki. Edhe disa akse rrugore kanë pasur probleme si pasojë e shiut të rënë. Kështu, në zonën Skuraj- Ulëz, ka pasur rënie inertesh në rrugë, të cilat janë pastruar me ndërhyrjen e autoriteteve.
Në akset rrugore Han i Hotit – Tamarë, Shkodër- Muriqan dhe Ura e Kirit – Mjedë ka pasur rënie të inerteve në rrugë, ku problemet më të mëdha janë shfaqur në Murriqan ku prurjet e materialeve kanë qenë tepër të larta dhe për pasojë ka pasur edhe bllokime të përkohshme dhe të pjesshme të rrugës.
Në aksin Krujë – Sari Salltik, ka pasur rrëshqitje të masivëve shkëmbor, pa pasoja për qytetarët. Po punohet nga kontraktorët për lirimin e rrugës.
