Ndërkohë që Komisioni i Ekonomisë diskuton kthimin e dekretit të Presidentit Meta për “Butrintit”, Aleanca për Mbrojtjen e Butrintit po zhvillon një protestë jashtë Kuvendit.
Aktivistët i bëjnë thirrje qeverisë shqiptare dhe parlamentit të Shqipërisë që të mos votojnë marrëveshjen që ua jep të huajve Butrintin. Ata shprehen jashtë dyerve të Kuvendit që nuk janë lejuar të jenë pjesë e mbledhjes së Komisionit.
Pak ditë më parë, Aleanca për Mbrojtjen e Butrintit ka zhvilluar një protestë në hyrje të qytetit Antik të Butrintit kundër dhënies me koncension të këtij parku. Aktivisti Aulon Kalaja paralajmëroi nga protesta se dekreti i Presidentit Meta do të kalojë në Komisionin e Ekonomisë, ku kryeministri Edi Rama do ta rrëzojë.
