Ergys Kaçe është duke kaluar sërish një moment të vështirë tek grekët e Paokut.
Këtë radhë jo për shkak të “nacionalizmit” të tij, por për shkak të mosaktivizimit.
Mesfushori i talentuar i Kombëtares çuditërisht ka përfunduar në stolin rezervë prej shumë ndeshjes, edhe pse sezonin e kaluar ishte titullar dhe një nga më të mirët e Paokut.
Shkak për këtë duket se është bërë dëshira e tij për t’u larguar në ndonjë ekip më prestigjioz.
Kaçe ka refuzuar të rinovojë kontratën e cila i përfundon në vitin 2017, dhe duket se Paok po hakmerret ndaj tij.
Mesfushori u përfol se në merkaton e janarit mund të kalonte në ndonjë ekip tjetër, duke përfshirë emra të tillë si Lacio e Inter.
Por, Paok ka vendosur të mos e lejojë atë të largohet.
