Momente paniku në protestën e thirrur nga opozita. Një grua ka përfunduar pa ndjenja, ndërsa një burrë është shtrirë në dysheme dhe rënkon.
Mësohet se një qytetare që ndodhej në protestë, është ndjerë keq, ndoshta nga gazi lotsjellës apo edhe nga turma dhe ka përfunduar në tokë. Një tjetër protestues shihet i shtrirë në dyshemenë e një prej dyqaneve përballë parlamentit teksa rënkon dhe fërkon sytë.
Policia ka hedhur disa herë gaz lotsjellës gjatë protestës së sotme, ndoshta dhe më shumë se në protestën e 16 shkurtit pasi protestuesit tentuan disa herë të çanin rrethimin e policëve.
