Ambasada e SHBA në Kosovë, ka reaguar pas deklaratave të zyrtarëve serb, përfshirë edhe presidentit serb Vuçiç ku thuhej se Masakra e Reçakut është një fabrikim amerikan.
Nëpërmjet një reagimi zyrtar, Ambasada Amerikane në Kosovë ka bërë me dije se këto deklarata janë të papranueshme sinjal ndërsa rishikimi i historisë tregon se sa i domosdoshëm është rinisja e dialogut mës Serbisë dhe Kosovës.
“Retorika nxitëse dhe rishikimi i historisë të së cilës jemi dëshmitarë kohëve të fundit lidhur me ngjarjet e vitit 1999, janë të papranueshme. Gjithashtu, jeni të kujdesshëm në ndjekjen penale selektive të fjalës, duke u bazuar në orientimin politik apo komunitetit. Liria e shprehjes ka qenë prej kohësh parimi themelor i demokracisë. Ngjarjet e kësaj jave paraqesin edhe një rikujtim, se sa i rëndësishëm është kthimi i Kosovës dhe Serbisë në tryezën e bisedimeve dhe të ripërqëndrojnë energjitë e tyre drejt së ardhmes, duke normalizuar marrëdhëniet”, shprehet ambasada.
