Përfaqësuesja e lartë e Bashkimit Evropian Frederica Mogherini, ka deklaruar se Shqipëria ka në dorë të ndërmarrë hapat e mëtejshëm për anëtarësim në Bashkimin Evropian.
Gjatë një bashkëbisedimi me studentë në Universitetin e Tiranës, Mogherini theksoi se politika duhet të ndërmarrë hapa për të miratuar Vettingun.
“Shqipëria e ka në dorë për të ndërmarrë hapin drejt BE. Drejtësinë nuk e kërkon Brukseli, por qytetarët. Qytetarët kërkojnë drejtësi të pavarur. Reforma në drejtësi do të sjellë besimin te drejtësia. Politika të marrë hapat për zbatimin e Vettingut. Jemi gati të çelim negociatat me Shqipërinë, ju takon juve të bëni hap përpara. Bashkimi është i plotë kur rajoni i Ballkanit të jetë në Bashkimin Evropian”, Tha Mogherini.
Ajo tha këto nuk janë kohë të lehta për rajonin, duke nënvizuar se çdo vend i Ballkanit duhet të jetë pjesë e Bashkimit Evropian.
