Lidhur me dialogun mes Kosovës dhe Serbisë, shefja e politikës së jashtme të BE, Federica Mogherini, pranoi se dialogu ka përjetuar një ngërç, por shtoi se tani po përparon sërish, me angazhimin e nivelit më të lartë politik të të dyjave vendeve.
Ajo paralajmëroi se në periudhën e ardhshme, dialogu Kosovë-Serbi do të prodhojë rezultate pozitive.
Mogherini theksoi se është synim i saj personal që në dy vjetët e ardhshëm të shohë përparim konkret të të gjithë Ballkanit perëndimor kah strukturat evropiane.
“Synim i imi personal është që deri në fund të mandatit të Komisionit Evropian, pas dy vjetësh, të shohim përparim praktik të të gjashtë partnerëve tanë në Ballkanin perëndimor”, tha Mogherini.
