DOKTORËT.COM është portali më i ri në Shqipëri, për të gjetur mjekun më të kualifikuar. Ky portal (www.doktoret.com), është tashmë gati për çdo qytetar, i cili ka dëshirë të vlerësojë mjekun e tij.
Në të janë të rregjistruar rreth 7300 mjekë, të cilët ushtrojnë profesionin e tyre në teritorin e Shqipërisë.
I konceptuar me një sistem yjesh, çdo person mund të vlerësoje nga -1 yll, (në rast vlerësimi negativ), deri në 10 yje (vlerësimi maksimal) mjekun që dëshiron. Mjekët, të cilët marrin më shumë yje renditen në pozicionet më të larta të klasifikimit dhe anasjelltas. Proçedura është shumë e thjeshtë. Mjafton të rregjistrohesh me një adresë e-maili, të zgjedhësh mjekun që dëshiron dhe të bësh vlerësimin. Ky vlerësim do të publikohet automatikisht brenda 24 orëve, pasi të kalojë në filtrat automatik të sistemit, të cilët janë të organizuar në formë të tillë që të eleminojnë vlerësimet fallco ose komentet me fjalor jo të përshtatshëm për nje portal publik.
Gjithashtu portali është i pajisur me çertifikata SSL për të bëre të mundur ruajtjen e të dhënave të përdoruesit nga sulme të ndryshme kibernetike. Nga ky portal mund të merren edhe informacione të tjera mbi shëndetin dhe ruajtjen e tij.
