Ish-prokurori i Krimeve të Rënda Eugen Beci ka renditur tre pista për të cilat duhet hetuar në lidhje me fatin e të shumëkërkuarit Ervis Martinaj. Ai tha se duhet zbërthyer fakti nëse Martinaj është zhdukur vetë për të humbur gjurmët për shkak të precedentëve, nëse është rrëmbyer dhe nëse është vrarë nga rivalët e tij.
“Versionet janë versionet e hetimit. Largimi i vullnetshëm i personit, ose ajo që quhet vetëzhdukje. Për shumë arsye, zhduket, humbet çdo gjurmë, për shumë arsye, qoftë për problemet, precedentët apo për borxhet, flas në teori pse ndodh një gjë e tillë.
Pika e dytë, rrëmbimi apo mbajtja peng e personit, kemi apo jo pasojë, është tjetër problem Dhe versioni tretë, vrasja e drejtpërdrejtë e personit. Këto janë tre versionet dhe këto tre versione, jo policia, por edhe prokuroria së bashku duhet t’i eliminojnë njëra me tjetrën”, theksoi ai.
