Këshilli i Ministrave ka miratuar sot vendimin për dhënien e një fondi shtesë për Ministrinë e Mbrojtjes për kompensimin e familjeve të dy Dëshmorëve të Atdheut, Zarife Hasanaj e Klodian Tanushi.
Dy familjet e dëshmorëve që humbën jetën në krye të detyrës do të përfitojnë 100 milionë lekë të vjetra.
Kujtojmë se rreth një muaj më parë Zarife Muharrem Hasanaj dhe major Klodian Nikolla Tanushi humbën jetën në Letoni nga shpërthimi i një mine, në kuadër të një misioni të përbashkët me NATO-n, ndërsa u plagos lehtë reshter Julian Kapaj.
