Kuvendi i Shqipërisë ka miratuar me 95 vota pro, 6 kundër, 3 abstenim aktin normativ për “Për faljen e masave administrative me karakter ndëshkues, të vendosura gjatë periudhës së infeksionit të shkaktuar nga COVID-19”.
Ndërkohë pritet që shteti të gjithë gjobat apo vendime sekuestro, t’i rikthejë brenda datës 15 maj.
Por, në relacionin shoqërues të aktit normativ, që u kalua në Komisionin e Ligjeve, mungonin shifrat sa i takon numrit të gjobave që do të falen, por edhe se sa shkon shuma financiare që kap ky vendim i qeverisë, i miratuar nga Kuvendi. Gjithashtu, nuk specifikohet se sa është numri i gjobave që do të kthehen tek ata qytetarë, të cilët i kanë paguar masat administrative që kanë marrë gjatë këtyre javëve dhe se sa përllogaritet shuma e saj.
