Reagon PD, Vokshi: Akt korruptiv, mjeket dhe infermiere po jepen me koncension. Ky është shkatërrimi në qelizë i sistemit shëndetesor
Ministria e Shëndetësisë ka vendosur të shrijë urgjencën e Tiranës. Mjekët e kësaj urgjence thanë për mediat se njoftimi për shkrirjen e këtij institucioni është bërë publik nga shefi i tyre. Ai ka komunikuar se mjekët dhe punonjës të tjerë të urgjencës do të shpërndahen nëpër tri spitalet e Tiranës, përkatësisht në qëndrën spitalore “Nënë Tereza”, në spitalin e traumës dhe në spitalin Shefqet Ndroqi.
Janë reth 64 punonjës mjek, infermierë, shoferë, të cilët janë shpërndarë përkatësisht, 22 te njeri spital, 22 te tjetri. Mjekët e urgjencës protestuan sot para godinës së tyre duke kërkuar kthimin në vendin e punës.
Ndërkohë kryetarja e Komisionit Parlamentar për Shëndetësinë, Albana Vokshi, e ka cilësuar vendimin e ministrisë, një akt korruptiv në dëm të qytetarëve të Tiranës dhe shëndetit të tyre. Vokshi ishte sot në mesditë pranë mjekëve të Urgjencës, për të kundërshtuar vendimin e qeverisë për mbylljen e këtij institiucioni shëndetësor.
“Kjo është një urgjencë ambulatore që funksionon prej 60 vitesh. Denoncojme vendimin më të fundit korruptiv të Ministrit të Shëndetësisë për dhenien me koncension të Sherbimit të Urgjencës Mjekësore në Tiranë. Mjeket dhe infermiere po jepen me koncension. Ky është shkatërrimi në qelizë i sistemit shëndetesor. Inkurajoj trupën mjekësore të protestojë kundër akteve korruptive. Shërbimi i Urgjencës Mjekësore në Tiranë ofron shërbimin ne shtepi dhe asiston edhe rastet e aksidenteve rrugore, e përfshirë shpesh edhe ne operacionet humanitare në rastet e emergjencave civile”, tha Vokshi.
