Në kuadrin e festimeve për Festën Kombëtare të Greqisë, minoritarët kanë organizuar sot ceremoni përkujtimore në Këlcyrë, për nder të ushtarakëve grekë të rënë në luftën italo-greke (1940-1941).
Mësohet se policia ka ngritur postblloqe te ura e Leklit, me qëllim për të parandaluar incidente të mundshme që mund të krijohen gjatë ceremonisë së organizuar, e cila njihet edhe si “Jo”-ja greke.
Kujtojmë se 573 skelete që mendohet se janë të ushtarëve grekë, të zbuluar në fushën e Sajmolës në Dragot, u varrosën në tetor të vitit 2018 në një ceremoni në Manastirin e Këlcyrës.
