Forcat e Armatosura kanë dhënë kontributin e tyre në dhurimin e gjakut, ata janë bashkuar nën moton: “Një shans për jetën e qytetarëve duke dhuruar gjak”. Në prag të Ditës Ndërkombëtarë të Dhurimit të Gjakut nismës së Forcës Kombëtare i është bashkuar dhe ministrja Mimi Kodheli. Kodheli ka dhuruar gjak në Qendrën Shëndetësore të Komandës së FT në Zall-Herr së bashku me efektivët e Forcave Speciale, Batalionit Komando, Batalionit të Mbështetjes me Luftim, Batalionit të Dytë të Këmbësorisë, të cilëve iu bashkua edhe gjenerali i Forcës Tokësore, gjeneralbrigade Nazmi Cahani.
“Fal jetë duke dhuruar gjak”, “Dhuro gjak, fito një jetë”, “Nga unë tek ti, një dhuratë për jetën”, ishin disa nga thirrjet që kanë shtyrë efektivët të dhurojnë gjak por që njëkohësisht tentojnë të motivojnë të gjithë qytetarët t’i bashkohen.
