Ministrja e Financave dhe Ekonomisë, Anila Denaj është infektuar me koronavirus.
Lajmin e ka bërë me dije vetë ajo me anë të një statusi në rrjetet sociale, ku thot se pas testimit është karantinuar duke ndjekur udhëzimet e mjekëve për trajtimin e sëmundjes. Ajo bën apel për zbatim të rregullave të higjienës, mbajtjen e maskës si dhe ruajtjen e distancës sociale.
“Të dashur miq, Pas testimit për COVID 19, ju informoj se kam rezultuar pozitive. Aktualisht jam karantinuar, duke ndjekur udhëzimet e mjekëve për hapat e mëtejshëm dhe trajtimin gradual të sëmundjes. Ju ftoj të gjithëve, të zbatojmë rregullat e higjienës dhe të mbajmë maskën duke ruajtur distancën sociale. Ju uroj shëndet të plotë!”, shkruan Denaj.
