Bullgaria kërkon njohjen e minoritetit bullgar në vendin tonë.
Ky ka qenë qëllimi kryesor i diplomates bullgare Ekaterina Zaharieva gjatë vizitës që po zhvillon në Tiranë.
Takimin e parë Ministrja e Jashtme e Bullgarisë e zhvilloi me presidentin e sapo betuar, Ilir Meta.
Ajo i ka kërkuar zyrtarisht Tiranës njohjen e komunitetit, pjesëtarët e të cilit pretendohet se identifikohen aktualisht si maqedonas.
Kërkesa për njohjen e këtij komunitetit është përfshirë edhe në rezolutën e PE, megjithatë Shqipëria zyrtare ende nuk ka reaguar.
Por, njohja e minoritetit bullgar nga Shqipëria do të shkaktonte përplasje me Maqedoninë, pasi ata pretendojnë që ky komunitet u përket atyre.
Në Shqipëri jetojnë 8,301 banorë me etni maqedonase, shumë larg nga numri i pretenduar nga Bullgaria.
Sipas pretendimeve të Bullgarisë në Shqipëri ka rrth 100 mijë bullgarë, shifër që nëse do të konfirmohej do ra rendistë këtë komunitet si më trë madhin në Shqipëri.
