Rregullat të reja nga ministria izraelite e mbrojtjes detyronin të huajt të tregojnë paraprakisht nëse “janë dashuruar” me një palestinez/e në Bregun Perëndimor.
Zhvillimi është pjesë e ashpërsimit të rregullat për të huajt që jetojnë në vend, ose ata që duan të vizitojnë Bregun perëndimor dhe territoret e pushtuara palestineze.
Grupet e të drejtave dhe përfaqësuesit e Palestinës thanë se Izraeli i ka ngritur “kufizimet e kontrollit në një nivel të ri autoritarizmi”.
Rregullat shtonin se nëse çifti martohej, ata duhet të largoheshin nga vendi për një periudhë “qetësimi” prej 6 muajsh para se te riktheheshin. Rregullat e reja hyjnë në fuqi javën që vjen.
Zhvillimet përfshiheshin një dokument ku i kërkohej të huajve të informonin autoritete izraelite brenda 30 ditësh nëse kishin nisur një lidhje romantike me një mbajtës të kartës palestineze të identifikimit.
Zyrtarët thanë se rregullat e reja ndikonin në vizat e dhëna për studentët dhe organizatat e ndihmës, teksa mund të parandalojnë vullnetarët të punojnë në Bregun Perëndimor për më shumë se gjashtë muaj.
“Kjo ka të bëjë me kontrollin inxhinierik të popullatës së Palestinës dhe izolimin e saj nga pjesa tjetër e botës,” tha për BBC Jessica Montell, drejtuese e grupit izraelit të ndihmës HaMoked, e cila ka ankimuar vendimin në gjykatë.
“Kjo e bën më të vështirë që njerëzit të hyjnë ose të punojnë në institucionet e Palestinës, për të studiuar e dhënë mësim atje”, shton ajo.
Izraeli ka pushtuar Bregun Perëndimor nga Jordania pas luftës së vitit 1967 dhe vendi administrohet nga një njësi e veçantë e ushtrisë.
Rrjeti BBC kishte kontaktuar ushtrinë por nuk mori asnjë përgjigje. Autoritetet izraelite thonë se kufizimet nevojiten për arsye sigurie.
Izraeli ndalon prej kohësh dhënien e qytetarisë së huaj bashkëshortëve të palestinezëve të Bregut Perëndimor dhe mijëra njerëz jetojnë me status të paqartë ligjor.
Grupi i aktivistëve Right to Enter, quante praktikat izraelite “diskriminuese, mizore dhe arbitrare”, pasi shkaktojnë vështirësi për bashkëshortet që mund të ndahen nga familjet e tyre në Bregun Perëndimor.
