Ministria e Shëndetësisë rekomandon që të hamë vaktet ushqimore në distancë nga të afërmit dhe familjarët.
Në udhëzuesin e shpërndarë nga Ministria e Shëndetësisë, tregohet niveli i rriskut të infektimit me Covid-19 në rast kur jemi në distancë dhe kur jemi rreth një tavoline.
“Duhet të shmangim grumbullimet, të ruajmë distancimin fizik për të parandaluar përhapjen e COVID-19. Maska mbrojtëse tashmë është një mjet i gjithëpranuar për dobinë e saj. Larja e shpeshtë e duarve dhe dezinfektimi i tyre ndalojnë infektimin nga SARS-COV2. Është koha të zbatojmë me përpikmëri këto tre rregulla, për mbrojtjen e shëndetit”, përfundon rekomandimi i MSH.
