Ministria e jashtme ka shpërndarë sot një tjetër njoftim të rëndësishëm për qytetarët.
Përmes një njoftimi për mediat, Ministria bën me dije se me qëllim evitimin e përhapjes së koronavirusit, Serbia e Sllovenia kanë mbyllur kufijtë duke mos lejuar hyrje në këto dy shtete.
Njoftimi i plotë:
Në vëmendje të shtetasve shqiptarë, Ministria për Evropën dhe Punët e Jashtme bën me dije se nga data 20 mars 2020, autoritetet serbe kanë informuar mbylljen e kufijve të territorit të Serbisë, me qëllim evitimin e përhapjes së virusit Covid-19. Për pasojë, shtetasit e vendeve të tjera, nuk do të lejohen të hyjnë në Serbi.
Gjithashtu, MEPJ informon se autoritetet sllovene nuk do të lejojnë hyrjen në Slloveni për 30 ditët e ardhshme, të shtetasve të vendeve të tjera, me përjashtim të atyre që kanë lejeqendrimi të vlefshme në Slloveni.
