“ Ta dorëzojë tek Komisariati numër 3, nuk është përfitues i ligjit për mbajtjen e armës”
Ministria e Brendshme i ka kërkuar deputetit të PD-së, Gent Strazimiri, të dorëzojë armën që mban. Ministria e Brendshme i kërkon Strazimirit ta dorëzojë armën tek Komisariati numër 3 duke argumentuar se Strazimiri nuk mund të jetë përfitues i ligjit për mbajtjen e armës. Në një letër drejtuar Kuvendit, kreu i këtij Komisariati në Tiranë, Elton Alushi, i kërkon që deputeti të paraqitet për të dorëzuar armën.
“Për shkak të detyrës jeni i pajisur me armë zjarri të përfituar me ligjin numër 7566, i datës 25 shkurt 1992 “Për armët”, i shfuqizuar. Brenda datës 25 mars 2016 duhet të bëni dorëzimin e armës dhe municionit pranë Komisariatit të Policisë numër 3, Tiranë, pasi nuk jeni përfitues i mbajtjes së armës me ligjin numër 74/2014 “Për armët””, theksohet në shkresën e kreut të komisariatit.
Deputeti Gent Strazimiri, u fotografua sot gjatë protestës me një armë në brez, tek po përplasje me policinë tek Parku i Liqenit.
