Ministri i Jashtëm italian Luigi Di Majo ka dhënë dorëheqjen nga drejtimi i partisë së tij, Lëvizja me pesë Yje. Duke folur para mbështetësve të tij në Romë ai u shpreh se kishte përfunduar një periudhë, dhe se partia kishte nevojë për rithemelim.
Lëvizja me Pesë Yje është në krizë prej muajsh, sidomos pasi u bënë pjesë e koalicionit qeverisës me Partinë Demokratike të qendrës së majtë. Më parë Lëvizja ishte në qeveri me Legën e Qendrës së Djathtë.
Por dhe më parë ka pasur përplasje të brendshme, ku si rezultat 31 deputetë janë larguar ose përjashtuar që nga momenti kur partia fitoi 33% të votave në zgjedhjet e 2018-ës. Konflikti ndodhi pak ditë para zgjedhjeve rajonale këtë fundjavë, të cilat parashikohen si një fitore e qartë e Legës së Mateo Salvinit, në bastionin tradicional të së majtës, në Emilia Romania.
Sondazhet e fundit tregojnë se Lega dhe Partia Demokratike janë shumë pranë. Analistët theksojnë se vendimi i Di Maios për dorëheqje do e kursejë atë nga fajësimi për humbjen e kandidatit demokrat, Stefano Bonacini i cili është pranë kopalicionit qeverisës.
Di Maio ka koleksionuar një sërë postesh atë të zv kryeministër, Ministër i Punës dhe Ministër i Ekonomisë në qeverisjen e parë të Lëvizjes me pesë yje, dhe tashmë Ministër i Jashtëm. Sipas sondazheve të fundit në vend, mbështetja për Lëvizjen me Pesë Yje aktualisht ka ndaluar në 16 për qind.
Kryeministri Xhuzepe Konte u shpreh se e respektonte vendimin e Di Maios duke rrëzuar idenë se dorëheqja e tij si kryetar partie do të destabilizojë qeverinë: “Më vjen keq në nivel personal,” theksoi ai.
