Ministri i Jashtëm francez, Jean Marc Ayrault ka deklaruar se ka prova që regjimi sirian ka përdorur armë kimike në sulmin e 4 prillit, ku humbën jetën rreth 90 civilë në Siri.
Shefi i diplomacisë franceze ka nënvizuar se shërbimet sekrete franceze po kryejnë një hetim.
“Kemi elementë që do të na mundësojnë të tregojmë se regjimi sirian ka përdorur shkencërisht armë kimike. Është çështje ditësh dhe do të mund të tregojmë provat”, ka deklaruar Ayrault.
Nga ana e tij, presidenti sirian Bashar al Assad ka deklaruar se sulmi me armë kimike është një farsë.
Por kundër tij ka dalë edhe Ministria izraelite e Mbrojtjes, që ka deklaruar se regjimi sirian është ende në zotërim të disa tonelatave armë kimike.
