Ministri i Transporteve Sokol Dervishaj tha se sa i përket zgjidhjes së investimit për rrugën e Arbrit dhe konçesionit të Rrugës së Kombit do të ketë një përgjigje brenda dy ditësh. Në një deklaratë pas një aktiviteti për situatën e ujësjellës-kanalizimeve, Dervishaj deklaroi se nuk duhet që të ketë rritje të çmimit të ujit vetëm si pasojë e performancës së keqe të shoqërive të ndërmarjeve.
Dervishaj: “Përsa i takon procesit të koncesionit të Rrugës së Kombiut por edhe perspektivës për zgjidhen e investimit të rrugës së Arbrit besoj se këto dy ditë do të keni një përgjigje shumë të qartë në kuadër të kësaj zgjidhje dhe zgjidhja është shumë afër.
Jam kundra parimit të rritjes së çmimeve pa arsye, për shkak të mosfunksionimit apo keqmenaxhimit të ndërmarrjeve. Nëse ndërmarrjet do të menaxhohen me kapacitete të plota profesionale me njerëzit e duhur pa rritur shpenzimet në mënyrë artificiale.
Këtë vit për rritje të çmimeve nuk ka pasur shumë aplikime sepse është një periudhë tranzitore dhe ne presim me zbatimin e reformës të rritet zona e shërbimit të ndërmarrjeve dhe proces që është ende në vazhdim nuk ka përfunduar ende dhe një bum për tarifat ne presim vitin që vjen.
Në bazë të reformës së ujësjellës-kanalizime tashmë shoqëritë do të kalojnë nën administrim të vendorëve e cila përcaktohet si një mënyrë për të rritur performancën.”
