Ministri i Jashtëm Ditmir Bushati zhvilloi një vizitë zyrtare në Sarajevë, kuu takua me krerët më të lartë të shtetit.
Në njoftimin zyrtar të ministrisë së Jashtme thuhet se “Ministrat Bushati dhe Crnadak ndanë besimin se komuniteti shqiptar në Bosnje do të shërbejnë me kontributin e tyre, si një urë e sigurt për fuqizimin e miqësisë midis dy vendeve tona, duke u shprehur të angazhuar në mbështetje të integrimit të tyre të mëtejshëm dhe ruajtjes së identitetit.”
Po ashtu Ministri Bushati u ndal në nevojën e rikonsiderimit të pozicionit të Bosnjes me synim njohjen e Kosovës dhe mbështetjen për përfshirjen e saj në organizatat rajonale, veçanërisht në Kartën e Adriatikut, si një vlerë të shtuar në funksion të stabilizimit, paqes dhe sigurisë në rajon.
