Edi Rama si mikpritës i samitit të 3-të mes Serbisë-Shqipërisë dhe Maqedonisë me praninë dhe të Malit të Zi, foli i pari në konferencën e përbashkët.
Pasi falënderoi vendet për ndihmën pas tërmetit, Rama ka vendosur që të sulmojë sërish Kosovën dhe politikanët e saj.
Rama kritikoi Kosovën për refuzimin e pjesëmarrjes në samitin e Mini Shengenit Ballkanik, të zhvilluar këtë herë në Tiranë, pas dy takimeve të mëparshme në Novi Sad dhe Ohër.
“Nisma nuk është përjashtuese për askënd, është gjithëpërfshirëse dhe nuk i imponohet askujt. I kemi bërë ftesë të gjithëve të marrin pjesë. Më lejoni ta them hapur, refuzimi i përsëritur i autoriteteve të Kosovës është i pakuptueshëm dhe i dëmshëm për vetë Kosovën”, tha Rama.
