Bëhet me dije se në lidhje me ngjarjen policia e Bulqizës ka ndaluar inxhinierin e Galerisë dhe përgjegjësin e punimeve. Vijojnë hetimet në lidhje me zbardhjen e shkakut të shembjes së Galerisë.
Kujtojmë që rreth orës 12.00 të mesditës së 15 shtatorit, në Galerinë 3 ku ai dhe kolegët e tij po punonin, u shemb një masiv dheu dhe bllokoi hyrjen.
Nga 6 minatorë që ndodheshin brenda, 5 dolën me dëmtime të lehta, ndërsa i bllokuar mbeti 61 vjeçari Muharrem Plaku.
Prej 5 ditësh grupet e avari-shpëtimit të minierave punuan në vendngjarje për hapjen e galerisë, në mënyrë që të arrinin në vendin ku ishte bllokuar Muharrem Plaku. Sot, mësohet se minatori 61 vjeçar është gjetur i vdekur.
Muharrem Plaku punonte prej 8 vitesh në këtë minierë, shkruan neësbomb.al. Kompania “KADURTEX sh.p.k.” ka administrator Kapllan Duriçin dhe bashkëpronarë vëllezërit e tij Myfit dhe Ilber Duriçi.
