Ish-ministri i Jashtëm, Paskal Milo ka komentuar deklaratën e Ramës mbi paaftësinë e ambasadorëve.
Në një intervistë për gazetën “Shekulli”, Milo thotë se diplomatët shqiptarë kanë qenë të kufizuar nga pamundësia ekonomike për të tërhequr sipërmarrës të huaj.
“Të mos e kërkojmë përgjegjësinë kryesore tek diplomatët. Diplomatët mund t’i kemi shumë të mirë, por diplomatët që nuk kanë mundësi financiare të japin një drekë apo darkë për sipërmarrësit e huaj, që nuk kanë mundësi të organizojnë takime se u mungojnë fonde financiare nga Tirana për të bërë takime apo udhëtime, të gjitha këto janë faktorë objektiv që rëndojnë tek qeveritë në Shqipëri”, thekson Milo.
Ndërsa deklaratën e kryeministrit Rama, Milo e ka cilsuar si nxitëse, emocionale dhe antiligjore.
“Besoj se është një deklaratë nxitëse, emocionale dhe që në logjikën e vet është në kundërshtim me ligjin. Nuk mundet që një diplomat i çfarëdo rangu që të jetë, në cilësinë e tij si nëpunës i shtetit dhe i shërbimit civil të mund të degradohet me urdhra ekzekutiv”.
