Kavajë – Të shtëna me armë zjarri janë regjistruar mesditën e sotme në qytetin e Kavajës, ku kanë mbetur të plagosur tre persona. Ngjarja ka ndodhur rreth orës 13:00 para Bashkisë, ku pas një konflikti, një person ka qëlluar me armë. Mësohet se autori i plagosjes së 3 personave është shtetasi Sajmir Kurti, i cili njihet si mbështetës i flaktë i Elvis Rroshit.
Sipas dëshmitarëve në vendngjarje shkak për konfliktin janë bërë disa shkëmbime batutash të tipit “pse më pe shtrëmbër”. Pas kësaj Kurti është konfliktuar me tre shtetasit e tjerë, madje ka marrë armën e ka qëlluar ndaj tyre, duke i lënë të plagosur. Mësohet se nga goditjet ka mbetur i lënduar edhe vetë Kurti.
Të plagosurit, të cilët janë dërguar në spitalin e qytetit janë Eqerem Kazazi, 48 vjeç, K.K, 21 vjeç, dhe D.Xh, 46 vjeç.
Nga të dhënat paraprake, mësohet se ngjarja ka ndodhur për motive të dobëta.
Ndërkaq, policia po vijon hetimet për ngjarjen.
Njoftimi i Policisë së Shtetit:
Më datë 17.06.2016, në afërsi të Bashkisë Kavajë, ka ndodhur një konflikt i cili ka degraduar në plagosjen me armë zjarri të shtetasve E. K., 48 vjeç; K. K., 21 vjeç dhe D. Xh., 46 vjeç, banues në Kavajë, të cilët ndodhen në Spitalin Rajonal Durrës jashtë rrezikut për jetën.
Shërbimet e Komisariatit të Policisë Kavajë kanë bërë të mundur identifikimin dhe shoqërimin e autorit të dyshuar shtetasit,
Po punohet për sqarimin e plotë të rrethanave të ngjarjes.
