Me mijëra protestues opozitarë kanë nisur bllokimin e autostradës që lidh veriun në Milot.
Ndërkohë në Durrës në këto momente ka nisur bllokimi i rrethrrotullimit të Plepave, që lidh Tiranën me Durrësin dhe që është një nyje që lidh jugun me veriun.
Në rrethrrotullimin e Bradasheshit, ka protestues të shumtë nga 7 bashkikë e qarkut Elbasan të cilët kanë nisur bllokimin e aksit rrugor që lidh jugperëndimin e vendit me Tiranën.
Deri më tani thuhet se organizatorët do ta mbajnë të bllokuar këtë kryqëzim të rëndësishëm për afro një orë.
Gjithashtu mësohet se janë shtuar forcat e policisë në akset ku janë paralajmëruar protestat.
