Ndeshja mes Kukësit dhe Tiranës është gjykuar nga Andi Koçi, Ridiger Çokaj, Endrit Veseli, Dorjan Maletaj dhe VAR: Klodjan Rexha e AVAR: Denis Rexha.
VAR-i dhe AVAR-i kanë qenë perfektë në punën e tyre, paçka se i kanë mohuar dy gola Xhixhës.
Koçit i sugjeruan kartonin e kuq të Ndrecës, që gjyqtari e ndëshkoi me të verdhë.
Nga ana tjetër, kryesori ishte i qartë dhe i vendosur te penalltia e Patrikut.
MINUTA E 34-t: Dyshime për një goditje të Barbosës nga pas për Behiratçen. Koçi ndal në fillim lojën, më pas e rinis me një top të diskutueshëm. Vendim i drejtë, nuk ka ekstreme për karton të kuq.
MINUTAT 57′-58′ – Ndërhyrje me këmbë të ngritura e Ndrecës ndaj Toshevskit. Gjyqtari ndal lojën dhe ndëshkon me të verdhë lojtarin e Kukësit. Një minutë më pas, Koçi vendos për VAR në rastin e Ndrecës ndaj Toshevskit. Pas konsultimit gjyqtari vendos për të kuq. Koçi ngatërrohet, nxjerr një herë të verdhin dhe më pas të kuqin. Gjithsesi, gjyqtarin e shpëton teknologjia.
65′ – Xhixha shënon gol, por është zënë në pozicion jashtë loje. Vendim i drejtë i anësorit dhe VAR-it.
90+2′ – Xhixha sërish gol, por kapet në pozicion jashtë loje. Koçi vendos të presë VAR-in dhe më pas konfirmohet i parregullt. Vendim i drejtë i anësorit dhe VAR-it.
