Ministrja e Arsimit Evis Kushi ka bërë të ditur ndryshimet e paketës së vlerësimit për nxënësit.
Kushi shkruan se këto ndryshime kanë për qëllim vlerësimin sa më objektiv të nxënësve dhe lehtësojnë mësuesit nga aspektet burokratike që të fokusohet sa më shumë në punën interaktive me nxënësit.
“Këto ndryshime do të hyjnë në fuqi në shtator, me vitin e ardhshëm shkollor 2022 – 2023. Dua të falënderoj shumë Agjencinë e Sigurimit të Cilësinë të Arsimit Parauniversitar, të gjithë ekspertët, mësuesit dhe drejtuesit e institucioneve arsimore për punën intensive të këtyre muajve”, ka shkruajtur ndër të tjerash Kushi.
Ajo është shprehur optimiste se ky model do të përqafohet nga mësuesit, duke e përmirësuar arsimin.
