Në një komunikatë për mediat kreu i Kuvendit, Ilir Meta ka përshëndetur vendimin e sotëm të Gjykatës Kushtetuese për lënien në fuqi të ligjit të Vettingut.
“Ky ligj është me shumë rëndësi për fazat e mëtejshme të integrimit europian të vendit, sidomos për hapjen e negociatave të anëtarësimit. Me qëllim ecjen më shpejt të Shqipërisë në rrugën e integrimit europian, si dhe për garantimin e zbatimit të reformës në drejtësi, kryetari i Kuvendit inkurajon të gjithë aktorët dhe faktorët në vend për të ushtruar të gjitha përgjegjësitë dhe kompetencat e tyre për zbatimin e këtij ligji“, tha Meta.
“Kryetari i Kuvendit rithekson rëndësinë e zbatimit pa vonesë të këtij ligji, si një domosdoshmëri për reformimin e sistemit të drejtësisë, që do t’i përgjigjet cilësisht edhe nevojës që ka shoqëria shqiptare për një drejtësi funksionale dhe efiçente”, vijoj Meta.
