Kryetari i LSI-së, Ilir Meta, mori pjesë në një takim me vajza dhe gra të Njësisë administrative 1 në Tiranë. Në fjalën e mbajtur gjatë takimit, Meta ka vlerësuar rolin e grave dhe të vajzave në familje dhe shoqëri, teksa rikonfirmoi bindjen e tij për të rritur rolin e gruas në vendimmarrje.
“Fuqizimi i gruas, është fuqizimi i familjes, është fuqizimi i vlerave më të mira të shoqërisë sonë. Gruaja dhe nëna është bërthama e familjes, është bërthama e shoqërisë dhe padyshim që është edhe kolona vertebrale e atdheut. Ne besojmë tek këto vlera pasi janë të rëndësishme për një shoqëri të përgjegjshme, për një familje të përgjegjshme dhe të shëndetshme dhe për t’i vënë një fre këtij egoizmit të sotëm” – u shpreh Meta, duke shtuar se vendi ka nevojë për një politikë që kujdeset dhe zgjidh hallet e qytetarëve dhe jo për konflikte apo frymë përjashtuese.
