Kreu i Kuvendit, Ilir Meta tha se duhen miratuar ndryshimet kushtetuese dhe 7 ligjet plotësuese.
Gjatë një fjala para ambasadorëve të Shqipërisë nëpër botë, kryeparlamentari theksoi se do të bëhet çdo gjë që kjo reformë të bëhet me konsensus.
Meta: Do të përpiqemi që në ditët në vijim që ta përfundojmë me sukses reformën kushtetuese në drejtësi në mënyrë që ta bëjmë më të lehtë punën tuaj. Është një çështje ndërkombëtare që tani, pasi vendet anëtare të BE-së, dhe Shtetet e Bashkuara janë angazhuar.
Jemi në momentet e fundit, për arsye edhe të kohës, që duhet të miratojmë ndryshimet kushtetuese të reformës në drejtësi si dhe miratimin e disa ligjeve mjaft të rëndësishme për zbatimin e tyre. Ne do të bëjmë çdo gjë që kjo reformë të bëhet me konsensus dhe mbi të gjitha t’i japë një imazh pozitiv vendit tonë.
