Kreu i shtetit, Ilir Meta, postoi një mesazh nga takimi me gazetaren dhe publicisten Alba Kepi, ndërsa ka marrë edhe si dhuratë studimin e saj me titull “Dasma tiranase”.
Gjithashtu Meta shkruan në statusin e stij në Facebook, se Tirana po shkatërrohet nga virusi i babëzisë.
“Një takim miqësor me gazetaren, publicisten dhe historianen, Alba Kepi. Më dhuroi studimin e saj etnografik “Dasma tiranase”, një vepër e arrirë, që ja vlen të lexohet. Përpjekjet e tiranasve autoktonë për ruajtjen dhe promovimin e trashëgimisë së pasur kulturore të kësaj treve meritojnë të mbështeten, veçanërisht kur “virusi” i babëzisë ka shkatërruar dhe po vë në rrezik shumë vlera të rralla materiale dhe shpirtërore të Tiranës”, shkruan Meta.
