Presidenti Ilir Meta ka zhvilluar ditën e sotme një takim me delegacionin Komitetit Hebreo-Amerikan me qendër në Nju-Jork, të cilët i ka njohur me situatën në Shqupëri.
Përmes një statusi në facebook, Meta shprehet se i vetmi ilaç që zgjidh krizën politike në vendin tonë është vota e lirë dhe përfaqësimi i drejtpërdrejtë i qytetarëve shqiptarë.
Postimi i Metës
Pata sot një takim të përzemërt me delegacionin e Komitetit Hebreo-Amerikan me qendër në Nju-Jork, të kryesuar nga Drejtori Ekzekutiv, z.David Harris.
E njoha me situatën aktuale në Shqipëri, krizën e rëndë kushtetuese dhe institucionale që ka përfshirë vendin, si dhe me propozimin tim për zgjidhjen e saj, nëpërmjet zhvillimit të tri palë zgjedhjeve më 13 tetor 2019: vendore, parlamentare dhe të Presidentit nga populli.
I vetmi ilaç që shëron vendin nga kjo krizë e thellë përfaqësimi dhe legjitimiteti është vetëm respektimi i votës së lirë dhe direkte të të gjithë qytetarëve shqiptarë, dhe pranimi i verdiktit të tyre final nga të gjithe ne.
