Presidenti i vendit Ilir Meta ka sulmuar kreun e PD-së Lulzim Basha në lidhje me atë që ndodhi në datën 8 janar në selinë e PD-së, kur tha se ka frikë nga vota e lirë.
Nisur nga vendimet e Kryesisë, Meta u shpreh se në PD ka pasur dy palë, njëra që kërkon zgjidhjen e çështjeve me votë të lirë, duke përmendur këtu Palokën, dhe ana tjetër që ka refuzuar vazhdimisht të negociojë.
“Dhuna në PD ka qenë nga të dyja anët. Kemi parë një palë që vetëm shkarkon dhe përjashton, përjashton deputetët, përjashton anëtarët e FRPD-së. Ndërkohë që kemi parë përpjekje për negociata nga Paloka, pala tjetër thotë jo. Është e qartë që thelbi i krizës është mungesa e vullnetit për të respektuar votën e lirë. E theksoj edhe njëherë as mjetet fizike, as paramilitare, dhe as ato varetë nuk e zgjidhin këtë çështje, kërkohet urtësi tjetër, dhe nuk duhet të lëndohet askush”, tha Meta.
Ndër të tjera, ai komentoi dhe akuzat e Berishës së Basha është mbrojtur nga kriminelë apo vrasës më 8 janar, duke thënë se nëse kjo është e vërtetë, atëherë situata është alarmante.
