Ndërkohë që ndodhet në Jalë, në kampin e të rinjve të LR-së, një traditë në fakt e LSI-së kjo, Ilir Meta ka zgjedhur që ta nisë ditën me një foto nga Vunoi. Gjithçka ndodh pas një jave të gjatë akuzash ndaj kryeministrit Rama dhe qeverisë duke arritur deri në ditën e djeshme ku Meta i tha Ramës se ishte sorrë, kurse veten e quajti shqiponjë.
Meta ka zgjedhur ta sfidojë Ramën pikërisht nga fshati i origjinës së nënës së kryeministrit për të cilin ky i fundit flet me shumë nostalgji.
Si e përshkruante Rama dikur origjinën e tij:
“Edhe unë jam me origjinë gjysmë nga Mirdita. Sepse nëna ime me të vërtetë është nga Vunoi por janë mirditorë të ardhur në Vuno. Mbiemri është Kolë-Leka. Pra është si Ndre-Nika. Apo Gjik-Nuri. Origjina ime nga nëna është nga Oroshi”, u shpreh Rama.
