Kryetari i Partisë së Lirisë Ilir Meta në protestën e sotme te Inceneratori i Tiranës në Sharrë ka paralajmëruar të tjera protesta.
Meta tha se sot ishte vetëm fillimi i protestave, duke shtuar se personat që kanë bërë aferat e mëdha korruptive do të shkojnë pas hekurave.
Meta: Do të vidhen dhe zgjedhjet vendore, a nuk vepruan kështu këta me ish-ministrin, ish-drejtorin dhe deputetin. Denoncimet u bënë me fakte e numra llogarie 4 muaj para zgjedhjeve por nuk u mor asnjë veprim sepse duhet të bliheshin sondazhet e votat me lekët e inceneratorëve.
Do të shkojmë në çdo skenë krimi për t’ua bërë të qartë se nuk do të shpëtojnë nga ndëshkimi dhe se drejtësia është e popullit.
