“Policisë i mjafton njolla e drogës, s’ka pse merr edhe njollën e prishjes së zgjedhjeve”
Kryetari i kuvendit, njëherësh president i zgjedhur, Ilir Meta e ka cilësuar të papërgjegjshme deklaratën e kryeministrit Rama për policinë ku i kërkon që pas orarit të punës të angazhohen në fushatën elektorale. Meta ka deklaruar se kishte biseduar me ministrin e Brendshëm, Dritan Demiraj dhe kishte vlerësuar qëndrimin e tij të fortë kundër deklaratës së kryeministrit.
Ndërkohë ai ka theksuar se: “Policisë i mjafton njolla e drogës, s’ka pse merr edhe njollën e prishjes së zgjedhjeve. …Rruga që ai ka zgjehdur është prishja e zgjedhjeve të administratës”.
I pyetur për mundësinë e shkarkimit si president nga PS-ja, Meta tha: “Nuk ka shans që Rilindja të shkarkojë Ilir Metën sepse do jenë shqiptarët që do shkarkojnë Rilindjen.”
Meta ka lënë të kuptohet se do të kthehet sërish Sali Berisha, ndoshta në drejtimin e PD-së ose më shumë se kaq. Kur foli për deklaratën e Ramës për përdorimin e policisë në fushatë, Meta tha se këtë nuk e ka bërë askush..: As Berisha i parë, i dyti jo jo, i treti sigurisht që nuk do ta bëjë.
