Kryetari i lëvizjes Socialiste për Integrim, Ilir Meta, tha se duhet një administrim më transparent në mënyrë që procesi të bazohet në meritokraci e gjithëpërfshirje.
Gjatë pjesëmarrjes në Konventën e Gjimnazistëve të LRI-së së Elbasanit, Meta theksoi se Shqipëria ka nevojë për energji pozitive dhe për një edukim më të mirë e cilësor për të rinjtë.
Meta shprehu keqardhjen që politika shqiptare vë në diskutim ende zgjedhjet dhe standardet e zgjedhjeve pas 26 vjetësh në një vend anëtar të NATO-s, kandidat për në BE.
“Në një politikë që për fat keq mbush parlamentin dhe shumë institucione të tjera ku duhet të ketë njerëz me integritet dhe jo njerëz me probleme me të kaluarën kriminale e kështu me radhë. Ndaj e vetmja zgjidhje është të gjithë të rinjtë e të rejat e Elbasanit të bëhen bashkë për t’i rikthyer traditat më të shkëlqyera këtij qyteti, në radhë të parë qytetarin, dashurinë dhe përkushtimin për dijen, për arsimin dhe njëkohësisht për të rritur kapacitetet tuaja për ta ndryshuar të ardhmen”, deklaroi Meta.
