Kryetari i Kuvendit Ilir Meta bëri apel që Kuvendit duhet të kthehet në shtëpinë e demokracisë dhe të dialiogut politike.
Në ditën e Europës, Meta tha Kuvendi ka detyrimin të bëhet shembull për brezin e ri.
“Ish-kryeministri Britanik Churchill në fjalën e tij të famshme në Universitetin e Zyrihut në 1946 vetëm një vit pas përfundimit të Luftës së Dytë Botërore i kërkoi popujve europianë krijimin e një Europe të bashkuar duke i kthyer shpinën vuajtjeve urrejtjes së të kaluarës dhe tmerreve të luftës për të parë drejt se ardhmes. E ardhmja i përket këtij brezi të ri. Shpresat dhe ëndrrat e tyre për të ardhmen duhet të motivojnë dhe rrisin peshën e përgjegjësisë tonë politike dhe qytetare më shumë. Kuvendi ka detyrimin të bëhet shembull për brezin e ri duke u kthyer në shtëpinë e demokracisë së vërtetë, atë të dialogut politik, të tolerancës dhe mirëkuptimit dhe përgjegjshmërisë së lartë”, tha Meta.
