Në një konferencë urgjente, presidenti i zgjedhur, Ilir Meta ka paralajmëruar sot kryeministrin Rama dhe kryetarin e opozitës Lulzim Basha, se si president pas 24 korrikut, nuk do të dekretojë kryeministër e as ministër të qeverisë që del nga zgjehdje ku cënohet vota. Kërcënimi shkon padyshim për kryeministrin Rama dhe kryetarin e opozitës Lulzim Basha, të cilët kanë nisur prej javësh sulme kundër Ilir Metës e PDIU-së.
“Cilido që mund të mendojë të vërë dorë në votën e shqiptarëve nuk do të ketë dekret as për kryeministër e as për minsitër. Dekretimi do të vijë vetëm përmes një procesi të lirë dhe të ndershëm”, tha Meta. Presidenti i zgjedhur, ka theksuar gjithashtu se do të refuzojë të dekretojë një qeveri që vjen përmes bashkëpunimit me krimin, duke pasur parasysh akuzat ndaj kryeministrit Rama për kriminalizimin e kuvendit.
