“Me një fundjavë në Tiranë Kukan e Fleckenstain do ta kishin zgjidhur çështjen e reformës në drejtësi”
Kryetari i Kuvendit, Ilir Meta, premtoi miratimin e reformës në drejtësi në seancën e 21 korrikut. I ftuar në “Opinion” në tv Klan, Meta tha se 20 votat e LSI-së do të jenë pro reformës në drejtësi. Meta tha se takimi sotshëm më Ramën e Bashën ishtë në frymën konstruktive.
Ajo që mund të veçohet në nisje të intervistës së kryetarit të kuvendit, është edhe mbivlerësimi që ai i bëri eurodeputetit Knut Flekenstain dhe kolegut të tij Eduard Kukan, kur tha se me një fundjavë në Tiranë Kukan e Fleckenstain do ta kishin zgjidhur çështjen e reformës në drejtësi. U duk të ishte një nënvlerësim për rolin e ambasadorit amerikan Donald Lu dhe asaj të BE-së Romana Vlahutin, të cilët kanë më shumë se gjashtë muaj që janë angazhuar intensivisht për reformën në drejtësi, në negociata me palët politike.
