Deputetja Mesila Doda, e cila ditë më parë dridhi të gjithë Maqedoninë me deklaratën e sajë se Maqedoninë nuk e njeh si shtet dhe nëse dikush i thotë FYROM apo Maqedoni ajo i thotë ILIRIDË, jo që reaguan të gjithë partitë maqedonase, por edhe deputeti shqiptar i LSDM-së, Muhamed Zekiri deklaratat e saj i quajti si patriotizëm të rrejshëm.
“Partia e saj është e vogël me 1,2 deputetë e njëjtë si partia e Amdi Bajramit. Ajo me shit patriotizëm, kush është ajo zonjë? Ajo nuk i ndihmon shqiptarëve. Ajo i ndihmon VMRO-DPMNE-së”, theksoi Zekiri.
E pyetur nga portali TetovaSot se si i komenton këto sulme të deputetit shqiptar, Mesila Doda u shpreh se nuk mund të ndalojnë të flasë për Iliridën as sllavët e as dhëndurët e sllavëve.
“Unë nuk merrem me polemika personale. Jam ligjvënëse e Kuvendit të Shqipërisë. Rrënjët e mia janë në Iliridë, prandaj për Iliridën nuk më ndalojnë të flasë as sllavët, as dhëndurët e sllavëve”, tha Doda për portalin TetovaSot.
Deputetja e PDIU-së, gjithashtu për portalin TetovaSot u shpreh se sot do të ketë një fjalim lidhur me Maqedoninë.
/tetovasot.com/
