Kryetarja e grupit parlamentar të PDIU, Mesila Doda, ka deklaruar se për dy komisionet e tjera të vetting-ut do të jetë në listë së bashku me ligjvënësin tjetër Tahir Muhedini.
E ftuar në bisedën e mbrëmjes në ABC News, Doda tha se në komisionin e parë, na u propozua të përfaqësonim opozitën, megjithëse kemi dy vjet në koalicion me shumicën. Çdo gjë është e shkruar në procesverabelt e Konferencës së kryetarëve.
E pyetur që nëse Edi Rama, do të hyjë në zgjedhjet e 18 qershorit, si do të veproje PDIU, Doda tha se e para, pluralizmi është vendosur qysh në vitin 1990 dhe nuk mund të vihet në diskutim, e dyta në vitin 2007 zgjedhjet u shtynë për një çertifikatë. Nuk ka kuptim një Kuvend me opozitë të emëruar, Sfidën apo Librën. Ajo u shpreh që PDIU nuk do të marrë pjesë as në marrëzinë e njërës palë, as në marrëzinë e palës tjetër. Ajo tha gjithashtu se duhet të merren seriozisht çështje të mëdha si kanabizimi i vendit dhe ekonomia që përdor paranë e inkriminuar.
