“Jeni në kërkim të aventurës së radhës? Ne ju sugjerojmë këto shtigje të reja ku mund të shijoni kuzhinën tradicionale dhe të shikoni jetën e e kafshëve të egra nëpër botë.”
Kështu e nis prestigjiozja National Geographic shkrimin pjesë e të cilit është edhe Shqipëria.
Në listën me 21 destinacione nga të gjitha kontinentet, përmes një fotografie Shqipëria qëndron përkrah disa prej vendeve më të bukura të globit.
Dhe ja çfarë i shkruan botës për Shqipërinë, National Geographic:
“Pse të shkoni tani: Ujërat e këtij vendi janë thuajse të pa eksploruara. Ndërtesat e fundosura, rrënojat e anijeve dhe shpellat e rralla janë disa nga thesaret thuajse të paprekura që do të gjejnë zhytësit në Shqipëri. Dekadat e izolimit nën udhëheqjen komuniste të diktatorit Enver Hoxha kufizuan zhvillimin ndaj dhe është ruajtur pa dashje trashëgimia kulturore nënujore, veçanërisht në bregun jugor.
Fakt interesant: Hoxha s’lejoi zhytjen për të ndaluar ikjen e shqiptarëve.”
Ndërsa përmes fotografive do te gjeni edhe destinacionet e tjera që National Geographic liston përkrah Shqipërisë.
