Pas një “Blackout”-i 24-orësh në Liban është rikthyer energjia elektrike, thonë zyrtarët. Ministria e Energjisë thotë se Banka Qendrore ka dhënë 100 milionë dollarë për të mbajtur në funksionim stacionet e saj të energjisë.
Rrjeti elektrik ra dje dhe zyrtarët thanë se nuk ka gjasa që energjia të rikthehej për disa ditë. Në 18 muajt e fundit Libani është përballur me një krizë ekonomike, duke sjellë varfëri për qytetarët.
Kriza ka dëmtuar monedhën e saj dhe ka ndezur demonstrata të mëdha. Mungesa e valutës së huaj e ka bërë të vështirë pagesën e furnizuesve jashtë shtetit.
Sakaq, ndërprerja totale filloi mesditën e së shtunës kur dy termocentralet më të mëdhenj të Libanit u mbyllën.
